ប្រទះឃើញសពជាងឈើម្នាក់
16-May-2016 | ដោយ មែន កំសត់
រាជធានីភ្នំពេញ ៖ បុរសជាជាងឈើម្នាក់ត្រូវបានគេប្រទះឃើញដេកស្លាប់ផ្កាប់មុខនៅកៀន របងក្នុងដីឡូត៍មួយកន្លែងក្នុងភូមិដីថ្មី សង្កាត់ភ្នំពេញថ្មី ខណ្ឌសែនសុខ កាលពីវេលាម៉ោង៦ព្រឹកថ្ងៃទី១៥ ខែឧសភា ឆ្នាំ២០១៦ ដែលការស្លាប់នេះ គេដាក់ការសង្ស័យថា អាចជាការលោតសម្លាប់ខ្លួន ឬក៏ធ្លាក់ពីជាន់ទី២ ។ជនរងគ្រោះឈ្មោះ ជា ខាំប៉ូច អាយុ២២ឆ្នាំ រស់នៅភូមិតុងរ៉ុង ឃុំខ្វិតធំ ស្រុកព្រៃឈរ ខេត្តកំពង់ចាម ។
ប្រភពពីជាងឈើដូចគ្នាបានឲ្យដឹងថា កាលពីវេលាម៉ោង៤ល្ងាចម្សិលមិញ ជនរងគ្រោះនិងជាងកម្មករមួយចំនួនបាននាំគ្នាផឹកស៊ីនៅក្នុងដី ឡូត៍ខាងលើ នៅនៅវេលាម៉ោង៦-៧ព្រលប់ក៏បែកផ្លូវគ្នាទៅដេករៀងៗខ្លួនទៅ ។ ស្រាប់តែព្រឹកឡើងក៏ប្រទះឃើញជនរងគ្រោះស្លាប់នៅក្បែររបងតែម្តង ។
ប្រភពបានឲ្យដឹងទៀតថា មុនពេលផឹកស៊ីជនរងគ្រោះបានសម្តែងការសោកសៅដោយសារតែមិត្តភក្តិ ម្នាក់នៅឯកស្រុកកំណើតបានស្លាប់ដោយសារលង់ទឹក ។
ក្រោយពេលកើតហេតុ គេប្រទះឃើញស្បែកជើង និងទូរស័ព្ទរបស់ជនរងគ្រោះនៅជាន់ទី២នៃវីឡាក្នុងដីឡូត៍ខាងលើផងដែរ ៕
ចំនួនអ្នកទស្សនា
- ថ្ងៃនេះ7611
- ម្សិលមិញ20231
- សប្តាហ៍នេះ86691
- ខែនេះ108571
- ឆ្នាំនេះ108571
- សរុប20551027